Новиот вид на коронавирус забележан и во Германија

Новиот вид на коронавирус, кој рапидно се шири во Велика Британија, е регистриран и во Германија, објави Министерството за здравство на германската провинција Баден-Вyртемберг.

Во соопштението објавено на „Твитер“ се вели дека едно лице на кое му е дијагностициран нов вид на коронавирус, патувал со авион од Велика Британија во Франкфурт во неделата на 20 декември, во посета на роднини.

По пристигнувањето, лицето било тестирано позитивно на новиот вид на вирус и е во самоизолација, откако членовите на семејството дошле да го земат со автомобил на аеродромот.

Бројни земји ги забранија влезните летови од Велика Британија, откако минатата недела во таа земја беше регистриран нов вид на коронавирус.