Новогодишни пакетчиња за децата во кумановската болница

Градоначалникот на Општина Куманово, Максим Димитриевски и Дедо Мраз денеска ги посетија децата сместени на детското одделение во кумановската болница и им поделија новогодишни пакетчиња. Димитриевски, на децата им посака побрзо закрепнување.

-Им поскаувам што побрзо да закрепнат, помалку да доаѓаат овде, да израснат во одговорни граѓани, да се грижат за своите родители, за својата држава-рече Димитриевски.

Тој се заблагодари на несебичниот ангажман што го пружаат вработените на болницата и на пациентите од Куманово и на пациентите од општините од североисточнит регион.

Директорката на болнцата, Снежана Захариева, рече дека во овој период има доста пациенти на одделението од најмала возраст до деца на училишна возраст.

-Иако, сите ние посакуваме овој оддел да има помалку пациенти, за жал, овде секогаш е фрекфентно. Дежурните екипи  се на располагање 24 часа, седум дена во неделата, да им олеснат на нашите пациенти-рече Захариева.

Началникот на детското одделение на кумановската болница, Агрон Сулејамни, информираше дека оваа година во амбулнатата на одделението поминале 15.000 деца, а 1.400 биле хоспитализирани.

Во моментов на одделението има четворица специјалисти, а толкав број лекари специјализираат.