Нуркачите први ја честитаа Новата година: Подводна елка атракција на дното на Охридското езеро
Охридските нуркачи и годинава кај Заливот на коските во ледената вода на Охридското езеро, ја продолжија 15 години долгата традиција и накитија новогодишна елка и први си честитаа Нова година.
Новогодишната елка која се гледа и од површината на водата, е поставена на длабочина од околу 4 метри. Во нејзиното китење учествуваа членовите на нуркачкиот клуб „Амфора“ и клубот за подводни активности „Охрид“ во соработка со Сојузот за подводни активности на Македонија.
Китењето на подводната елка охридските нуркачи и оваа година им го посветија на децата со ретки болести.
Ним им помагаа и најмладите членови на овие нуркачки клубови, а за награда од Дедо Мраз добија подароци и пакетчиња.
-Упативме апел за помош и под вода извадивме знаме со поддршка за децата со ретки болести. Ние од клубот за подводни активности „Охрид“ и нуркачкиот клуб „Анфора“ први под вода со шампањско во рака си ја честитавме Новата 2017 година. На сите граѓани им посакуваме многу здраве, успех и подобар живот, рече д-р Горан Балески од клубот за подводни активности „Охрид“.
Новогодишната елка во Охридското езеро стана своевидна туристичка атракција, така што речиси да нема жители и посетители кои престојуваат во древниот град, а не го виделе ова чудо под вода.
Популарно од Македонија
Ново на Сител
-
„Стоп за Усје“ на протест – граѓаните бараат Министерството да не и даде нова лиценца на компанијата
-
Тема на денот со проф. д-р Константин Димитров
-
Протестен марш ,,Стоп за Усје‘‘ против аерозагадувањето
-
Повеќе пари за инвестиции, земјоделие, образование: Владата го усвои ребалансот на Буџетот
-
Мицкоски: Дипломатската нота за патувањето на моето семејство ги радикализира односите со Софија
-
Пазарна ќе ги споредува цените во целиот синџир на снабдување за да утврди од каде доаѓа поскапувањето
-
Судот во Стразбур: Државата имала право да ги поништи аболициите на Иванов
-
Амандманската расправа за правична застапеност ги судри албанските партии
