Од денеска до сабота терестрична дезинсекција против возрасни форми на комарци во Скопје

Град Скопје ги известува граѓаните дека од денеска до 19 септември во периодот од 22.00 до 03.00 часот, ќе се врши терестрична дезинсекција против возрасни форми на комарци на подрачјето на градот.

Како што посочуваат од Град Скопје, доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.

Оттаму ги известуваат пчеларите навреме да ги преземат потребните мерки за заштита на пчелите. 

МИА