Од денеска задолжителен негативен ПЦР тест за влез во Србија
– Од денеска за влез во Србија задолжителен е негативен ПЦР тест, не постар од 24 часа, освен за транзитните патници, кои мора за 12 часа да излезат од Србија, јави дописникот на МИА од Белград.
По денешната седница на Кризниот штаб, епидемиологот Бранислав Тиодоровиќ изјави дека се усвоени предлозите да се дозволи работа на трговски центри до 20 часот, како и дека сите услужни дејности ќе работат до 20 часот во работните денови. Кафулињата и рестораните можат да работат до 20 часот, наместо досега до 17 часот, притоа почитувајќи ги постојните мерки, „без употреба на музика во каква било смисла“, додаде тој. Мерките треба да бидат усвоени од Владата на Србија.
Тиодоровиќ оцени дека денешната седница на Кризниот штаб била „сериозна и тешка“ и додаде дека новите мерки ќе важат до петок, кога ќе се направи нова проценка на епидемиолошката состојба. Тогаш, како што кажа, ќе се процени дали тие мерки ќе бидат продолжени, изменети или дополнети.
Коментирајќи ја работата на кафулињата и рестораните без музика, тој оцени дека се смета „ дека луѓето се релаксираат со музика, дека не ги почитуваат мерките и постои можност за полесно пренесување на вирусот“.
Културните институции ќе продолжат да работат до 21 часот, додаде Тиодоровиќ.
Ново на Сител
-
Палчо ја помина првата вечер во притвор во „Шутка'', од неговата партија бараат биохемиска анализа на оброците
-
Први преговори ВМРО-ДПМНЕ - ВЛЕН
-
Мицкоски: Во изјавите ќе го користиме терминот Македонија
-
Мицотакис: Не ги потпишуваме договорите од Преспа, тие се наше оружје
-
Се поставуваат безбедносни камери во зградата на Кацарска, овој инцидент е загрозување на нејзината безбедност
-
Демири не кажа дали договорците на Токсикологија се стручни туку му било жал што работеле без пари
-
Анализа на македонски експерти: Кои се мотивите за атентатот врз словачкиот премиер?
-
Палевски преноќи во Шутка