Одбележани 67 години од убиството на петтемина струмички студенти
Пред споменикот на петтемина убиени струмички студенти во 1951 година - Борис Белев, Мирко Пецев, Ѓорѓи Јармов, Ѓорѓи Костуранов и Стево Топчев, денеска беа одбележани 67 години од нивното убиство.
За животот и делото на петтемина студенти зборуваше Никола Андонов, претседател на Здружението на политички затвореници. Тој ги повика МАНУ, Архивот на Република Македонија и Институтот за национална историја да пројават желба и да добијат соодветна поддршка од Владата за научно истражување на настанот со убиството на петтемина струмички студенти.
- Историскиот факт за струмичката студентска петорка и другите злодела на комунистичкиот режим треба да се истражат и целосно да се расветлат, како за македонската јавност, така и за меѓународната и пред се поради националните и државните интереси на Република Македонија, порача Никола Андонов, претседател на на Здружението на политички затвореници.
Пред споменикот на петтемина убиени струмички студнти цвеќе положија членови на нивните семејства, градоначалникот и членови на Советот на општина Струмица, политички партии и здруженија на граѓани и претставници на државни институции.
Рецитатори од Домот за деца и млади „Благој Мучето“ од Струмица говореа поезија, а на гробиштата во Струмица беше одржана панахида за петтемина струмички студенти.
Тие се убиени на 13 август 1951 година на планината Беласица, наводно во обид нелегално да ја поминат границата и да побегнат од Македонија.
Ново на Сител
-
Тешка сообраќајка кај Влае – има повредени, едното возило преполовено
-
ЦУК: Два пожара на отворено, најавено минирање кај Бањица
-
Најмалку десет загинати во несреќа во Перу, автобус излетал од патот и се превртел
-
Пленковиќ тврди дека има повеќе од 76 пратеници за состав на влада
-
Најстудено утрово во Лазарополе
-
Болните, затворениците и лицата во старските домови први гласаат на двојните избори
-
Акредитирани 1078 домашни и 770 странски набљудувачи за изборите на 8 мај
-
Израел испраќа делегација на преговорите и ги продолжува операциите во Рафа за да изврши воен притисок врз Палестинците