Одбележување на Денот на Првата пешадиска бригада во Армијата
Во касарната „Страшо Пинџур” во Петровец, денеска, со воена свеченост, ќе се одбележи Денот на најголемата борбена единица во Армијата, Прва пешадиска бригада.
Како што најавува Министерството за одбрана (МО), Бригадата ќе го одбележи Денот на единицата со соодветна програма на која се предвидени обраќања, прогласување на најдобра единица, доделување стимулативни мерки, воено дефиле на единиците, уметничка точка и приказ на вооружувањето и опремата со кои располага бригадата.
На прославата ќе присуствуваат министерката за одбрана Славјанка Петровска и началникот на генералштабот, генерал-потполковник Васко Ѓурчиновски, а пред припадниците на Бригадата ќе се обратат: министерката Петровска, командантот на командата за операции, бригаден генерал Бесник Емини и командантот на бригадата, бригаден генерал Сашко Лафчиски.
Првата пешадиска бригада го прославува втори април кога по преземање на задачите и одговорностите на двете поранешни бригади, е трансформирана во најголемата борбена единица во Армијата со застапеност од повеќе армиски родови.
На свеченоста се очекува да присуствуваат и заменик на министерката за одбрана, Тирон Јајага, директорот на Генералштабот, бригаден генерал, Симеон Трајковски, претставници од Кабинетот на претседателот, генералите во Армијата, поранешни команданти на единицата, воени аташеи, раководители од Генералштабот и Министерството за одбрана и претставници на локална самоуправа и институциите со кои соработува единицата.
Ново на Сител
-
Почна со работа Работната група за воспоставување на Регистар за недвижниот имот на државата
-
Кривична за автомеханичар од Охрид: Вадел исправни делови од автомобили и ги продавал
-
Австрискиот европратеник Томас Вајц нов известувач на ЕП за Северна Македонија
-
Главниот државен обвинител на Украина поднесе оставка по голем скандал во армијата
-
Најмалку 31 загинат при напад на суданската армија врз џамија
-
По апсењето на Мета, средба на Ненси Ван Хорн и министерот Хоџа
-
Претседателката на ЕК Урсула фон дер Лајен в четврток во Скопје
-
Битолчанец пронашол 10 рачни бомби при чистење на стан