Одложено судењето за дедото на Тамара

Судењето на Љупчо Стојановски од Велес, кој се товари за обид за убиство на поранешниот министер за здравство, Никола Тодоров и е познат во јавноста како дедото на трагично починатата Тамара, денеска се одложи.

Апелациониот суд ја прифатил жалбата на обвинителството за издвојување на психијатриските вештачења на дедото на Тамара, па рочиштето беше одложено за на 14 февруари.

Стојановски на 1 јуни 2017 година пукаше во Тодоров и е обвинет за две кривични дела – обид за убиство и недозволено изработување, држење и тргување со оружје или распрскувачки материи. Неговата внука Тамара почина чекајќи операција во странство.