Официјално: Реал го продаде Хакими на Интер

Мароканскиот дефанзивец, Ашраф Хакими премина во Интер за надомест за трансфер од 40 + 5 милиони евра, соопштија од неговиот клуб Реал Мадрид.

Неговиот договор со „нероазурите“ ќе биде до 2025 година.

Во последните две сезони, 21-годишниот играч играше како отстапен во Борусија (Дортмунд) и стана една од сензациите во Бундеслигата.

Ашраф е дете Реал Мадрид, откако влегува во академијата на „белите“ уште во 2006 година.