Охрид го одбележува Светскиот ден на срцето
Општина Охрид и Заводот за кардиоваскуларни заболувања денеска со повеќе активности ќе се вклучат во одбележувањето на Светскиот ден на срцето.
Централниот настан се одржува на Градскиот плоштад „Св. Климент Охридски“ каде во периодот од 9 до 13 часот во поставениот шатор лекари од Заводот за кардиоваскуларни заболувања ќе вршат основни прегледи на заинтересирани граѓани, со мерење крвен притисок, ЕКГ и совети за правилен живот како превентива од кардио-васкуларни заболувања.
Заводот за кардиоваскуларни заболувања е првата здравствена институција што се вклучи во одбележувањето на овој ден, а трета година по ред активностите ги спроведува во соработка со општина Охрид. Во акцијата активно ќе учествува и градоначалникот Никола Бакрачески, кој како лекар исто така ќе ги прегледува охриѓани.
Светскиот ден на срцето - 29 септември, има за цел да ја направи што подостапна информацијата дека срцевите заболувања и мозочните удари се водечка причина за смртност во светот и се одговорни за 17,3 милиони изгубени животи годишно. Секоја година одбележувањето на овој ден има различно мото што рефлектира клучни прашања и теми поврзани со здравјето на срцето. Годинашното мото е „Создавања на околина за здраво срце“. Пораката е дека местата во кои живееме, работиме, се забавуваме не треба да ги зголемуваат ризиците за кардиоваскуларни заболувања.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје