Охрид подготвен за Нова Година

Во празнична еуфорија Охрид одбројува до Новата година. Славењето во охридските кафулиња и ресторани веќе почна, а организиран дочек има и во поголемиот број хотели. Весело се очекува да биде и на градскиот плоштад каде со богата забавна музичка програма охриѓани и бројните гости ќе ја испратат старата година и ќе си го честитаат доаѓањето на Новата година, посакувајќи си желби за здравје. љубов и успех.

Хотелиерите задоволни од исполнетоста на градот велат дека оваа година најбарани се двoдневните  и тридневните пакет аранжмани. Градот деновиве наликува на прав туристички центар исполнет со гости за Новогодишните празници.Дочекот на Новата година ќе биде означен со голем огномет над Охридското Езеро.