Охрид со Институтот за филм зазема значајно место во светската филмска мапа
Институтот за филм во Охрид кој функционира во соработка со светски реномираната Школа за филм од Прага - ФАМО располага со најсовремена опрема за снимање филмови вредна 500.000 евра и нуди меѓународно признати дипломи.
Ова беше истакнато за време на денешната обиколка на Институтот на лидерот на ВМРО-ДПМНЕ Никола Груевски кој од раководителот на оваа институција Роберт Јазаџиски беше инфромиран за тековните активности и за идните планови.
Груевски потсети дека оваа идеја за формирање школа за филм по угледот на чешката прозлегла од една негова посета на Чешка во 2008 година, а е реализирана пред една ипол година со отворањето на Институтот на кој студираат студенти од повеќе земји од Европа и пошироко.
Охрид, како што додаде, зазема значајно место во светската филмска мапа бидејќи се образуваат кадри од сите земји од регионот кои учат од најдобрите професори од областа.
- Од 43 професори 39 доаѓаат од Прага, а само четворица се од Македонија. Се надевам дека со тек на време ќе се остручат и други и ќе се вклучат во работата на оваа институција, рече Груевски.
Институтот за филм работи како членка на Универзитетот „Гоце Делчев“ во Штип и нуди магистерски студии на шест катедри меѓу кои и за режија, за сценарио, филмска продукција, а во иднина се планира и отворање катедри за филмско актерство и за сценографија.
Ново на Сител
-
Тешко повреден велосипедист во сообраќајка на Средно Водно
-
До петок нестабилно време со повремен пороен дожд, град и грмежи
-
СДСМ во среда ги почнува подготовките за избор на ново раководство - закажан состанокот на Извршниот одбор
-
Лишен од слобода кавадарчанец кој му се заканувал на градоначалникот
-
Царинска управа: Одземена дрога испратена во мала пратка и огнено оружје од скопјанец
-
Едно лице загина, две се повредени во сообраќајка што се случи вчера на автопатот Куманово-Скопје
-
Во руски напад врз областа Харков загинаа 11 лица
-
Герапетритис: Договорот од Преспа не се менува и не се ревидира еднострано