Охриѓанецот Иван Лотески најсреќен меѓу пливачите во Охрид

Иван Лотески од Охрид меѓу стотината верници кои утрово се фрлаа по Светиот крст во осветените води на Охридското Езеро, беше најсреќен и прв успеа да доплива до крстот.

Тој после 14 обиди успеа годинава да го фати крстот.

Настанот за одбележување на големиот верски празник Богојавление-Водици и годинава го следеа неколку илјади граѓани. Манифестацијата Богојавление-Водици е во организација на Дебарско- кичевската епархија во соработка со локалната самоуправа, а со поддршка на јавните претпријатија, Црвен крст, нуркачкиот центар „Амфора“, како и фаќачите на светиот крст од минатите години.