ОЈО: Проширена истрагата за марихуана пронајдена во камион на ГП „Богородица“
Основното овинителство Гевгелија донесе Наредба за спроведување истражна постапка против едно лице за кривично дело – Неовластено призводство и пуштање во промет на наркотични дроги, психотропни супстанции и прекурсори од чл.215 ст.1 од Кривичниот законик.
– Осомничениот, по претходен договор и заедно со уште едно лице за кое веќе се води постапка, со непознато лице од Косово се договориле неовластено заради продажба да пренесат наркотична дрога марихуана во Турција, се вели во соопштението од ОЈО.
За таа цел, осомничениот искористил товарно моторно возило – влекач и приколка со скопски регистарски таблици, сопственост на едно правно лице. Потоа, со возилото двајцата отишле во Приштина каде на 4 март возилото било натоварено со легална рециклирана отпадна хартија која требала да се извезе за Република Турција.
– На 5 март со возилото преминале во Република Македонија и на точно неутврдена локација ја натовариле во камионот и наркотичната дрога – марихуана со вкупно количество од 390.378,8 грама, спакувана во 516 полиетиленски пакувања. На 6 март, лицето за кое претходно беше поведена постапка тргнало да ја пренесе дрогата преку Граничниот премин „Богородица“, со крајна дестинација – Република Турција. Овластени службени лица ја пронашле марихуаната во возилото непосредно пред граничниот премин, стои во соопштението од ОЈО:
Бидејќи постојат околности кои го оправдуваат стравот дека осомничениот ќе се даде во бегство, дека ќе ги уништи трагите од кривичното дело, дека ќе го повтори кривичното дело, надлежниот јавен обвинител до Основниот суд во Гевгелија достави предлог за притвор и за лицето за кое беше проширена постапката.
Од ОЈО информираат дека на осомничениот му е определен притвор во траење од 30 дена, а од 7 март, по предлог на јавниот обвинител, првиот осомничен за истото кривично дело веќе се наоѓа во притвор.
Ново на Сител
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош
-
Амбер Алерт: Кои чекори треба да ги преземете ако вашето дете исчезне?
-
КСЗД го презентираше извештајот за минатата година
-
Две лица осомничени за поткуп – се чека притвор за врховниот судија
-
Почнува процесот на прегласување за парламентарните избори