Македонија
25. May 2023 - 21:08

ОЈО за Сител: Документацијата е обемна, ќе биде потребно време за анализа на договорот

Договорот за кој покажувате интерес, како и содржината на севкупната електронска документација од Електронскиот систем за јавни набавки за кои јавниот обвинител обезбеди пристап до електронската база на податоци на Бирото за јавни набавки, а која е поврзана со сите постапки за јавните набавки каде како предмет на договор се јавуваат коридорите 8 и 10-д, се предмет на анализа на обвинителството во насока на утврдување на елементи на евентуално сторено кривично дело, велат за Сител од ОЈО.

Со оглед дека станува збор за обемна документација на јавниот обвинител и тимот на истражители што постапуваат во предметот, ќе им биде потребно време за анализа и проверка на сите индиции и наводи што месеци наназад се во интерес на јавноста. За секое постапување што нема да ја попречи постапката и ќе може да се сподели со јавноста, обвинителството навреме ќе информира, велат од службата за односи со јавност на ОЈО во одговорот на прашањето од Сител.