Операта „Хофманови приказни“ во МОБ
Македонската опера и балет вечер од 20 часот ќе ја изведе операта „Хофманови приказни“ на Жак Офенбах на австриската режисерка Урсула Хорнер, во која поетот Ернест Теодор Хофман ги раскажува своите вонвременски приказни за љубовта.
Хофман е и главен протагонист во операта и врз три негови кратки приказни се темели либретото на француски јазик што го напишал Жил Барбиер. Заедно со Мишел Кери, Барбиер претходно направил претстава „Хофманови приказни“ која била продуцирана во театарот „Одеон“ во Париз во 1851 година и која композиторот Офенбах ја гледал.
-Приказните на Хофман се карактеризираат со нијанси на емоции проследени со алегориски фигури: љубов, добро и зло. Разочаран и исцрпен, Хофман се буди како од кошмар да сознае дека вистинската убавина и вистинската љубов се наоѓаат во нас… „Хофманови приказни“, која самата по себе плени со прекрасна музика, ги следи доживувањата на боемот Хофман, но плени и со впечатлив наративен спој на настани од реалноста завиени во научно-фантастичен контекст, наведува МОБ.
Во оперската претстава ќе настапи бројна солистичка екипа, во која насловниот лик (Хофман) ќе го игра Рафаел Алварез од Мексико. Учествува хорот и оркестарот на МОБ. Диригент е Андреа Черта од Италија, сценограф Марија Ветероска, костимограф Марија Пупучевска, а кореографи се режисерката Хорнер и Олга Панго.
Ново на Сител
-
Високи претставници на демократите во САД отфрлаат засега можност за замена на Бајден поради повиците тој да се откаже од трката за претседател
-
Пожарите во близина на Атина без активно жариште
-
Бобан Николовски ја презеде функцијата директор на Царинска управа
-
ЈП ПОЦ минатата недела со санкции за 203 непрописно паркирани возила
-
Светска банка: Северна Македонија треба да спроведе реформи за справување со заканите поврзани со климатските промени
-
Едно лице загина, а едно е повредено во пукање во село Батинци, полицијата трага по сторителите
-
Уапсени директори на супермаркети во Мјанмар поради тоа што продавале ориз по многу високи цени
-
МВР: Чекањето на ГП Табановце за влез и излез од државата е поради прогласеното црвено ниво на безбедносен ризик од тероризам во Србија