Општина Кочани догодина ќе вложи 32 илјади евра за реконструкција на водоводната мрежа
Инвестициската активност во делот на изградбата и реконструкцијата на водоводната мрежа во општина Кочани ќе продолжи и наредната година. Во Програмата за инвестирање во системите за водоснабдување за идната година, подготвена од општина Кочани за планираните зафати - реконструкција на постојната и изградба на нова, ќе бидат потребни околу 2 милиони денари.
Во програмата за изградба на системите за водоснабдување во 2017 година, истакнуваат од одделението за комунални дејности во општина Кочани, веќе е изготвен проект во кој е дадена вкупната вредност на инвестицијата за територијата на целата општина, вклучувајќи ја и ниската зона во градот. За изградба на нова водоводна мрежа во централното градско подрачје се предвидува дека ќе бидат потребни 300.000 денари.
За решавање на проблемите со водоснабдувањето на улиците „Плачковица“ и „Гошо Викентиев“, општината догодина планира реконструкција на водоводната мрежа за што ќе се наменат околу 1,2 милиони денари. Исто така, се предвидува изградба на водоводна мрежа и на други локации низ градот и населените места во општината, за што граѓаните веќе платиле надоместок за уредување на градежно земјиште, а за што се предвидени 300.000 денари. Останата сума од 200 илјади денари пак, ќе се инвестира за набавка на водоводни црева за водоснабдување на селата во планинскиот дел.
Ново на Сител
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка
-
До март најверојатно ќе се реализираат две линеарни зголемувања на пензиите, најави Мицкоски
-
Мицотакис: Ги предупредуваме нашите северни соседи, не почнавте добро, престанете да правите сметка без крчмарот