Општина Новаци промовираше туристичката мобилна апликација

Општина Новаци денеска промовираше туристичка мобилна апликација во која се содржани мапи на планински патеки, велосипедски и џип рути и историски места во општината.

На веб страницата се наоѓаат 12 планински рути, а мобилната апликација е изработена според интернационални стандарди и е бесплатна за користење.

Апликацијата е изработена на македонски и англиски јазик и нуди можности за претходно планирање на патувањето со одредување на почетна и завршна точка и навигација во текот на патувањето во реално време, беше соопштено на денешниот промотивен настан во таа локална самоуправа.

Мобилната апликација се наоѓа на веб адресата www.tourdemariovo.info и е изработена во рамките на проекот „Жива историја, жива природа 2“ од ИПА програмата за прекугранична соработка Македонија - Грција 2007-2013, а партнер на општина Новаци е грчката општина Алмопиа.