Општина Охрид ќе ги спроведе сите активности согласно законските одредби за исполнување на препораките од УНЕСКО
Општина Охрид ќе ги преземе сите активности во согласност со законските прописи, со цел да се исполнат задолженијата што Владата им ги додели на општините, за подобро и поефикасно спроведување на Препораките од Комитетот за светско наследство на УНЕСКО, а се во насока на зачувување на статусот на Охридскиот регион како светско наследство.
Како што се наведува во соопштението од Локалната самоуправа, општинските надлежни служби ќе ги разгледаат законските можности во однос на владината препорака за прогласување мораториум на градежните активности до донесување на Планот за управување со природното и културно наследство.
По налог на градоначалникот Константин Георгиески во рок од десет дена ќе биде изготвен Акциски план со роковник за спроведување на препораките на УНЕСКО. Веднаш по изготвувањето, планот ќе биде ставен на дневен ред на седница на Советот на Општина Охрид.
„Во текот на целокупниот процес, Локалната самоуправа ќе биде во постојана координација и комуникација со Министерството за транспорт и врски, Министерството за култура и Министерството за животна средина и просторно планирање, како и со останатите надлежни државни институции, а јавноста ќе биде навремено и детално информирана“, стои во соопштението.
Ново на Сител
-
МВР: Претреси во Скопје, се трага по третиот осомничен за целосно расчистување на убиството кај "Мавровка
-
Луда Мара излеана, блокирани улици од паднати дрвја од невремето во Кавадарци
-
Перински: Проблемите во Скопје можат да се решат уште утре ако Арсовска почне да си ја работи работата
-
Мицкоски: Ќе поднесам тужба за монструозните обвинувања на Петровска
-
ВМРО-ДПМНЕ: Спасовски и СДС дозволија мафијашките банди да зајакнат - институциите ќе ја подигнат безбедноста
-
СДСМ: Ново мафијашко убиство во Скопје, неспособниот Тошковски да си даде оставка
-
Ќе се гради нова обиколница околу Кавадарци
-
Влада: Слободан Ивановски нов вд директор во Управата за финансиска полиција, Џеват Селами во Дирекцијата за заштита и спасување