Организаторот на нападите во Париз им препорачувал на милитантите да патуваат преку Чешка
Наводниот мозок на терористичките напади во Париз Абделхамид Абуд на останатите џихадисти им препорачувал да патуваат преку Прага, заради помала веројатност да бидат уапсени.
Тоа, според странските и домашните медиуми го изјавил еден од милитантите во судот во Франција.
Сведокот, кој бил испрашуван по неговото враќање од Сирија, наводно од Абауд добил наредба во Европа да најде лесна цел за атентат кога би биле усмртени што повеќе луѓе.
Како што јави дописникот на МИА од Прага, чешкиот премиер Бохуслав Соботка, уште во понеделникот по разговорите со претставниците на тајната служба изјави дека еден од терористите, кој е спојуван со нападите во Париз, пред пет и седум години два пати поминал низ Чешка.
Според експертите Абуд бил дел од бригадата на Исламската држава (ИД) која зборува на француски јазик и бил под команда на Салим Бенгален, Французин кој е на листата на најбараните криминалци и за кој се смета дека ги наредил нападите во Париз.
Се претпоставува дека Абуд заедно со своја роднина загина при акцијата на француската полиција во средата во Париз.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот