Осум организации добија едногодишни грантови од УСАИД
Осум организации денеска добија едногодишни грантови преку Проектот на УСАИД за развој на деловниот екосистем. Целта на грантовите е подобрување на постоечки и развивање на нови деловни услуги за микро, мали и средни претпријатија (ММСП) во Македонија.
Директорот на Канцеларијата за развој на УСАИД Едвард Гонзалез им додели грантови на Комората на занаетчии – Скопје, Здружението за рурален развој ЛАГ Агро Лидер, МАКАМ-ТРАНС, Македонската асоцијација на метална и електро индустрија (МАМЕИ), Сојузот на стопански комори, Македонското здружение за лифтови, Стопанската комора на североисточна Македонија и Солар Македонија.
Гонзалез нагласи дека сите осум организации нудат развиени, уникатни и релевенатни вредносни предлози кои ќе им помогнат на компаниите од различни сектори, од сончева енергија па се до млекопроизводство, да ја зголемат продуктивноста, да создадат нови работни места и да ги пополнат постоечките со квалификувани кадри.
Претседателот на Асоцијацијата за соларна енергија Солар Македонија Илија Насов изјави дека во секторот соларна енергија лежи огромен потенцијал за домашното стопанство кое може многу подобро да се искористи со активна поддршка од јавниот сектор. Тој најави дека со помош на грантот ќе спроведуваат повеќе активности кои се насочени кон подобрување на деловното опкружување преку лобирање и развој на квалификувана работна сила, добра регулаторна рамка и еднакви пазарани услови.
Проектот на УСАИД за развој на деловниот екосистем е почнат во 2017 година и работи на зголемување на продуктивноста на микро, малите и средните претпријатија. Работи со деловни здруженија, стопански комори, финансиски институции, тренинг центри и компании кои работат на развивање на нивните синџири на добавување, како и други организации кои нудат услуги за деловна поддршка на ММСП. Проектот работи и со финансиски институции на зголемување на финансирањето достапно за ММСП.
Ново на Сител
-
До петок променливо време, за викендот стабилно и топло
-
Мицкоски: До сега во неколку случаи сум разочаран од делувањето на обвинителството и судството
-
Момчето убиец од Рибникар: Се чувствував отфрлено од децата и затоа го направив тоа
-
Бурим Латифи: Сите информации за наводно потрошени пари се само лажни вести
-
Од 2013 до 2021 годишно мигрирале по околу 2.500 високообразовани кадри
-
Иран ја активирал противвоздушната одбрана над градот Исфахан
-
Уапсен пензионер (64) од Кичево, кај него пронајдени тегли марихуана и дигитална вага
-
Владата сака да сме дел од ЕУ, но не по секоја цена, СДСМ бара затворена собраниска седница за евроинтеграциите