-->
-->
Откажан маратонот во Њујорк
-->
Додека од една страна поединечни спортови и лиги се враќаат во нормала по пандемијата на коронавирусот, на друга страна се откажуваат големи спортски натпреварувања.
Најголемиот светски маратон, оној во Њујорк, кој требаше да се одржи на 1 ноември годинава е откажан поради коронавирусот.
Организаторите на маратонот „New York Road Runners” објавија дека се одлучиле на ваков чекор по консултацијата со градоначалникот на Њујорк. Одлучено е дека трката претставува преголем ризик за здравјето и безбедноста на тркачите, волонтерите, на гледачите и на сите останати.
„Иако е маратонот икона и омилено случување во нашиот град, ја поздравувам одлуката на организаторите затоа што на прво место го ставија здравјето и сигурноста на гледачите и тркачите. Се радуваме што ќе бидеме домаќини на 50. маратонска трка во ноември, 2021 година“ – истакна градоначалникот на Њујорк, Бил де Блазио.
На минатогодишниот маратон е поставен нов светски рекорд кога низ целта поминаа дури 53.640 тркачи.
На учесниците за овогодинешната трка која е откажана ќе им биде понудено рефундирање на котизацијата или, пак, загарантирано место на маратонот во 2021, 2022 или 2023 година.
-->
-->
-->
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228