Откупени сите побарувања, ГСОЛ стана единствениот доверител на ФЕНИ Индустри
Со откупување на вкупните побарувања на големите и малите доверители на ФЕНИ Индустри, швајцарски ГСОЛ, со своето претставништво во Македонија ЕуроНикел станува единствениот доверител на кавадаречки ФЕНИ.
Со ова, ФЕНИ се повеќе се приближува кон конечното излегување од стечајот, што ќе значи и започнување на планот за реорганизација, предложен од единствениот инвеститор во ФЕНИ, ГСОЛ, ЕуроНикел, кој пак предвидува нови инвестиции и вработувања, соопштија од ГСОЛ.
- Моментално ФЕНИ произведува и го надминува очекувањата со реализирано месечното производството за мај од 1000 тони никел. Растот на производството е проследено со континуирано растење и на извозот. Платите на вработените редовно се исплаќаат како и останатите обврски и бонуси, а платата пропорционално расте, се вели во соопштението на ГСОЛ. Вработените очекуваат стечајната постапка што побрзо да заврши со што би започнал планот за реорганизација што носи дополнителна инвестиција од 10 до 15 милиони евра, се вели во соопштението.
Во планот за реорганизација, што пред Одборот на доверители беше презентиран од ГСОЛ, наведено е дека со инвестицијата предвидено е отворање на втората производна линија, односно стартување на втората печка со што годишната производна норма ќе се зголеми од 19.000 до 21.000 тони никел годишно.
Одборот на доверители даде позитивно мислење за планот и тоа е претпоследниот чекор пред конечното и правно излегување на ФЕНИ од стечајот.
Од ГСОЛ посочуваат дека планот за реорганизацијата на ФЕНИ содржи конкретни чекори што водат кон зголемување на капацитетите, зголемување на производството, извозна експанзија и повторно враќање на ФЕНИ во најголеми европски производители на фероникел.
Ново на Сител
-
Како социјалните мрежи можат позитивно да го променат животот на еден млад човек
-
Граѓаните извисија: Три часа евтина струја преку ден летово ќе нема, сега ќе се крои новата цена за од 1 јули
-
Тешко до работа преку Отворен Балкан
-
34 години ВМРО-ДПМНЕ
-
Мицкоски утре ќе го доставува предлогот за Влада до Собранието до недела на полноќ треба да се избере владиниот кабинет
-
Шест години од потпишувањето на Преспанскиот договор
-
Проф. Садикарио: Од Струшкиот медицински факултет ќе излегува импровизиран кадар, а тоа е многу опасно
-
Миле Јанакиевски по 6 години поминати од затвор излезе на слобода