Ова е мајката монструм која ја изгладнуваше својата ќерка (5) во станот на ужасот во Москва, ја пронајдоа закопана во ѓубре, оставена без храна и вода

Ирина Гарашченко (47), мајка на девојчето Могли, како што медиумите ја нарекоа петгодишната московјанка која властите ја спасија од стан полн со ѓубре и бубашваби, се појави денеска на суд и и е одреден двомесечен притвор.

На Гарашченко и се суди за обид за убиство на малолетно лице кое се наоѓа во беспомошна состојба.

Оваа мајка монструм на сослушувањето изјавила дека целата ситуација околу нејзината ќерка и неа е - провокација. Упорно тврдела дека не направила ништо со што би го загрозила животот на нејзината ќерка.

„Таа беше во добра состојба не знам што се случило. Може да биде ова нечија провокација. Сакам тоа да го објаснам, но мора прво да влезам во станот. Не сум го видела заклучокот од докторот, сама сакам да објаснам што се случило таму“, упорно тераше по свое.

Во меѓувреме, лекарите и експертите се обидуваат да ја опорават и социјализираат малечката Љубов, како што ја нарекоа. Детето стигна во болница изгладнето, болно, неразвиено, со ѓерданче сраснато во вратот. Веднаш констатирале дека не знае да зборува туку само произведува звуци, дека се плаши од вода, не знае што е кревет...

„Овошјето и другата храна која и ја понудивме, прво ја мирисаше. Дури потоа ја земаше со прстите. Беше многу вознемирувачки да се гледа тоа. Никој не ја научил да спие во кревет. Многу се мачевме додека ја успивавме. Многу се плаши од вода“, раскажа за Скај Њуз правобранителката за деца Ана Кузњецова.

Од болницата ги објавија и првите фотографии од малечката Љуба.

Да потсетиме, полицијата во стан во улицата Ленинградски пат влезе на 10 март на повик од соседите, вознемирени поради тоа што од тој стан со денови допира очаен плач на дете, но и неиздржлива смрдеа. Запуштеното девојче седело врз купишта ѓубре кое скапувало и плачело од глад. Откако полицијата го спаси детето, мајката се вратила, а соседите ја задржале до доаѓањето на полицијата.

Обвинета е за обид за убиство.