ОВП на Себастијан Курц победи на изборите во Австрија
Народната партија на Австрија (ОВП) на Себастијан Курц победи на денешните предвремени парламентарни избори, покажуваат првите резултати од избирачките места.
Курц најверојатно ќе биде најмладиот канцелар во историјата на Австрија со 31 година.
Според првичните резултати од 42,4 отсто од преброените гласови, ОВП освои 30,2 проценти што во споредба со изборите во 2013 година тоа е зголемување за 6,3 отсто.
Со 26,8 проценти освоени гласови на второ место е Слободарската партија (ФПО) на Хајнс-Кристијан Штрахе. И ФПО бележи раст од 6,3 проценти во споредба со резултатите од изборите во 2013 година.
На трето место е Социјалдемократската партија (СПО) на канцеларот Кристијан Керн која освои 26,3 отсто од гласовите, што е за 0,6 проценти помалку од пред четири години.
Во Парламентот на Австрија влегува и партијата Неос, која освои 5,3 проценти, а се очекува и Зелените да имаат претеници, кои освоија 4,9 отсто.
И Листата Пилц би можела да влезе во Парламентот бидејќи досега освои 4,3 проценти од гласовите.
За сега се преброени гласовите во руралните делови на Австрија. Се очекува гласовите од големите градови да го сменат распоредот на партиите, со исклучоко на врвот. За второто место, како и за партиите кои ќе го поминат цензусот ќе одлучат гласачките ливчиња пратени по пошта. Повеќе од 800.000 гласачки ливчиња за гласање по пошта беа нарачани за овие избори, што се 14 отсто од гласачкото тело на Австрија.
Гласовите добиени по пошта ќе се пребројуваат утре и можат да влијаат на конечниот резултат посебно кој го поминува, а кој не цензусот од четири отсто.
Ново на Сител
-
Меѓународен ден на студентите
-
Тема на денот со Гордана Димитриеска Кочоска, Министер за финансии
-
Цигарите и загадениот воздух рак рана за лицата со ХОББ
-
15-годишник со нож прободел двајца малолетници во два одвоени инциденти
-
Преглед на вестите од светот
-
Заедничка седница на македонската и косовската влада во Приштина
-
Пратеници на ДУИ добиле смртни закани, пријава до МВР нема
-
Вишиот обвинител Хајрулахи останува суспендиран од работното место