Пад на цените на нафтата, денеска РКЕ ќе одлучува за цените на горивата

Цените на нафтата паднаа на светските берзи, поттикнати од надежите за смирување на конфликтот меѓу САД и Иран.

Нафтата „брент“ поевтини за околу 2 отсто и сега се тргува за 115 долари за барел.

Во меѓувреме, Регулаторната комисија за енергетика денеска ќе ги објави новите цени на горивата.

Во моментов, максималната цена на бензинот Еуросупер БС-95 е 96 денари за литар, на БС-98 е 98 денари, а на дизелот 99 денари.

Новите цени ќе зависат од движењето на цените на нафтените деривати во изминатите седум дена, курсот на доларот и другите трошоци, па падот на суровата нафта не значи автоматски и поевтинување на горивата.