Пандев на крајот на оваа сезона заминува во фудбалска пензија
Рекордерот според настапи и постигнати голови во дресот на македонската фудбалска репрезентација Горан Пандев потврди дека ова е последната сезона во која го носи дресот на прволигашот Џенова и во јули ќе стави крај на својата клупска кариера.
Пандев во интервју за весникот „Кориере дело Спорт“ најави дека по заминувањето во фудбалска пензија ќе остане вклучен во фудбалот, но нема намера да почнува тренерска кариера.
– Дефинитивно ова е мојата последна сезона. Што се однесува до мојата иднина не се гледам себе си како тренер, можеби како менаџер или нешто слично, изјави Пандев.
Џенова утре со новиот тренер Андриј Шевченко ја пречекува Рома предводена од поранешниот тренер на Пандев во Интер, Жозе Мурињо, а поранешниот македонски репрезентативец со комплименти зборуваше и за обајцата.
-Доаѓањето на Шевченко во Џенова е голема работа за нашиот клуб. „Шева“ е амбициозен тренер, со победнички менталитет и несомнено од него многу се очекува. Што се однесува до Мурињо, за него имам само пофални зборови. Тој е човекот кој ги промени моите фудбалски погледи, изјави Пандев.
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време