Париз мака мачи со огромниот број стаорци

Градското собрание на Париз привремено ќе ги затвори парковите во француската престолнина со цел да се застане на патот на големиот број стаорци, јави Би-Би-Си.

Веќе се затворени пет паркови, а наскоро ќе биде затворен и паркот Шам де Марс, во близина на Ајфеловата кула.

Соодветните служби тврдат дека популацијата на стаорци се зголемила поради големото количество ѓубре.

Кампањата на париските власти вклучува поставување замки и апел до јавноста да не ги храни стаорците и гулабите/ Се планира и редизајнирање на корпите за отпад за глодарите да не можат да влезат во нив.