Парламентарни и претседателски избори во Чиле

Поранешниот претседател на Чиле, Себастијан Пињера, е главен кандидат за победа на претседателските избори, кои паралелно со парламентарните се одржуваат денеска во земјата.

Според светските аналитичари, ослабената економија и другите пропусти на центристичко левичарската Влада на сегашната  претседателка на Чиле Мишел Башеле, ги вратија сеќавањата на Пињера, кој функцијата претседател ја напушти со многу лош углед.

Пињера вети дека ќе спроведе „агресивен“ инвестициски план, за да се избори со забавената економија, која бележи годишен раст од 1,5 отсто.

Нему во корист може да му биде и слабиот одзив, затоа што гласањето годинава е на доброволна основа, за разлика од изборите во 2012 година, кога беше задолжително.

Денеска во Чиле се одржуваат и избори за горниот и долниот дом на Конгресот.