Павлопулос: Ревизија на Уставот и отстранување на иредентизмот, па членство во НАТО и ЕУ
Решение на името со потребни гаранции за искоренување на иредентизмот и ревизија на Уставот се предусловите што треба да се исполнат за Македонија да стане членка на ЕУ и НАТО. смета грчкиот претседател Прокопис Павлопулос.
Тој уште еднаш ги повтори неговите позиции во прашањето за името, овој пат преку пораката до Грците од дијаспората по повод националниот празник 25 март, јави дописникот на МИА од Атина.
- Ние ја поддржуваме интеграцијата на ПЈРМ во НАТО и во Европската Унија. Но ова, заради почитување на историјата, меѓународното право и европското законодавство бара претходно решение на името, кое ќе ги содржи потребните гаранции за искоренување на иредентизмот. Според тоа, постои еден начин за да оди напред интеграцијата на ПЈРМ во НАТО и ЕУ: Прво, претходна ревизија на нејзиниот Устав, нешто што ќе го одбележи и почитувањето што го покажуваат Грција, Европската унија и НАТО кон нејзиниот правен поредок и владеењето на правото. И, второ, договор што ќе ги опфати сите гаранции за елиминирање на иредентизмот што го споменав, пишува Павлопулос, а освен до Македонија, пораки испрати и до Турција, а го спомена и кипарското прашање.
Ново на Сител
-
Обвинет за убиствата на Вања и Панче е во болница, неизвесно е дали ќе има судење
-
Стримичани вода за пиење ќе добиваат преку цистерни и канистери
-
Тема на денот со Орце Ѓорѓиевски, претседател на ЗЕЛС
-
ОКТА со современа лабораторија ќе го испитува квалитетот на дизелот
-
Отворен регионален центар К9 за дресирање кучиња во Ѓорче Петров
-
Поднесено обвинение против две лица за дивоградба во Охрид
-
Преглед на вестите од светот
-
Се стопираат огласите со „Балансерот“ критериумите - Министерство за администрација издаде насоки до институциите