Пејачката Дафи била заробена, дрогирана и силувана пред да се повлече од сцената
Пејачката Ејми Дафи, попозната само како Дафи, пред десетина години се повлече од музичката кариера. Сега, на Инстаграм таа сподели приказна како тогаш била заробена, дрогирана и силувана од непознато лице.
„Може само да замислите колку пати помислував да го напишам ова… За начинот на кој би го напишала, како би се чувствувала потоа… Многу од вас се прашуваа што ми се случува и зошто исчезнав? Новинар ме контактираше, дојде до мене и јас му раскажав сè минатото лето. Беше неверојатно тоа што конечно проговорев”, раскажува Дафи.
Натаму, таа истакнува дека сега е добро и на сигурно.
„Неколку дена во заробеништво, силувана и дрогирана… Но, секако, преживеав. Закрепнувањето потраја, нема лесен начин тоа да се рече. Последново десетлетие илјадници денови ги посветив на тоа – повторно да почувствувам радост во моето срце, а сега го чувствувам сега”, нагласува пејачката.
Таа во објавата никаде не вели дека покренала какво било обвинение за случајов.
„Се прашувате и зошто не го искористив својот глас за да ја изразам болката што ја чувствувам? Не сакав да му ја покажам на светот тагата во моите очи. Се прашував како можам да пеам од срце, ако тоа е скршено. Полека заздраве и веќе не е скршено”, вели Дафи натаму.
Најави и интервју, во кое ќе одговори на сите прашања на обожавателите, замоли да не се вознемирува нејзиното семејство и им се заблагодари на сите за разбирањето и поддршката.
„Ве молам, поддржете ме да го направам ова позитивен пример и искуство“, нагласува таа на крајот од објавата.
Ново на Сител
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите