Пензиониран американски генерал ќе ги советува во МО на Украина

Американскиот министер за одбрана Ештон Картер го именува поранешниот генерал во американската армија, Џон Абизејд за специјален советник на украинскиот министер за одбрана, соопшти Пентагон.

Во соопштението се наведува дека Абизејд ќе биде советник на министерот Степан Полторак, чија држава настојува да ја зајакне демократската цивилна контрола врз својата арммија, да се избори со корупција и да примени останати реформи.

Картер и Полторак имаа денеска средба на маргините на мировната конференција на ОН во Лондон.

Шефот на Пентагон рече дека именувањето на Абизејд не претставува сигнал дека САД планираат да и помогнат на Украина во офанзивни операции против проруските сили на исток во државата.