Песков: Убиството на рускиот амбасадор е сериозен удар за Анкара
Портпаролот на Кремљ, Дмитриј Песков изјави денеска дека убиството на рускиот амбасадор во Турција претставува сериозен удар за Анкара.
- Тоа секако е удар за угледот на оваа земја, бидејќи секоја држава има одговорност за безбедноста на дипломатските мисии на своја територија, како и на дипломатите, истакна Песков.
Тој оцени дека тоа што се случи било насочено и против турската држава и затоа претставува еден вид „нож во грбот на Турција“.
- Имено, нашите турски партнери се најмалку заинтересирана страна во ваквиот развој на настаните, нагласи портпаролот на Кремљ, потсетувајќи дека Русија и Турција спроведуваат големи проекти, посебно во изградба на гасоводот „Турски поток“ и нуклеарна централа.
Рускиот претседател Владимир Путин постхумно го одликуваше убиениот амбасадор Андреј Карлов со наградата „Херој на Русија“, воен медал од највисок ранг во Русија.
Ново на Сител
-
Матните настани за корупција, институциите да ги сфаќаат сериозно
-
Тема на денот со Весна Јаневска, министер за образование
-
Антонио Јолески ја изгуби битката во Управниот суд
-
Мицкоски: Стана пракса амбасадорите да се мешаат во внатрешните работи на државата
-
Мицкоски: Ќе бара ли Софија Бугари и во албанскиот Устав
-
Маричиќ, Шаќири и Бајрами ќе добијат апанажа
-
Поранешно „Македонија пат“ во катастрофална состојба: Изгорело возило вредно 200.000 евра
-
Скапите акцелератори набавени пред една деценија се уште не се во функција на пациентите