Пет години затвор за првиот човек на „Самсунг“, Ли Џае Јонг, за корупција
Судот во Сеул денеска го осуди првиот човек на јужнокорејскиот гигант „Самсунг“, Ли Џае Јонг, на пет години затвор за давање поткуп и за неколку други кривични дела поврзани со корупција.
Судот не го прифати барањето на обвинителството, за казна од 12 години затвор.
Ли (45) кој раководеше со „Самсунг“, е син на формалниот претседател на оваа голема и престижна компанија во Јужна Кореја и во светот и милијардер, кој поради нарушено здравје се повлече од управувањето со фирмата.
Судскиот процес против Ли траеше повеќе месеци и е дел од големиот корупциски скандал што предизвика смена на претходниот јужнокорејски претседател Парк Геун-хие, која, исто така, е обвинета за корупција.
Ли Џае Јонг е прогласен за виновен затоа што и давал поткуп на бившата претседателка за да ја обезбеди владината подршка за спроведување на едно големо бизнис интегрирање, со кое „Самсунг“ требало да ја засили и онака силната позиција во јужнокрејската економија.
Пресудата против фактичкиот претседател на оваа семејна компанија претставува удар врз угледот и престижот на „Самсунг“, посебно на меѓународниот пазар, па неговите акции на берзата во Сеул, денеска, се намалени за 11 отсто.
Овој пад, меѓутоа, не и попречи на фирмата вредноста на акциите и натаму да бидат на рекордно високо ниво.
„Самсунг“ е најголемиот производител на смарт мобилни телефони во светот и целит негов бизнис чини 15 отсто од вкупната јужнокорејска економија.
Освен за давање поткуп на сменетата претседателка на државата, Ли е осуден и за попречување на правдата, за создавање криминален профит и за криење имот и пари во странство.
Тој ја презеде целосната контрола со управувањето на компанијата, откако неговиот слаб и немоќен татко, во 2014 година преживеа срцев удар.
Ново на Сител
-
Објавен извештајот за починатото 14-месечно бебе, еве ги деталите
-
Следува продолжен викенд: 11-ти Октомври неработен ден за сите граѓани на Македонија
-
Во изминатите четири дена во Грција биле откриени и спасени над 580 бегалци и мигранти
-
Доброволното противпожарно друштво – Кочани доби опрема како донација од Италија
-
Форум за образовни промени: Да се преземат мерки за бројните законски прекршувања на Универзитетот во Тетово
-
Отворено ново студио за медиумски иновации на Правниот факултет „Јустинијан Први“
-
Кина воведе царини на европските жестоки пијалаци
-
Тешко повредено 20-годишно лице по сообраќајна несреќа во Кавадарци