Пет нови случаи на полицајци заразени со коронавирус
Нови пет случаи на заразени полицајци со коронавирус се регистрирани во МВР, со што, вкупниот број на припадници на министерството кои се заразени од вирусот се искачува на 27 случаи. Станува збор за службеници кои работат во граничната полиција, односно ја обезбедуваат јужната граница.
Во изолација се 56 припадници на МВР, поради претходен директен контакт со заразени колеги. Епидемиолошките анкети ќе треба да покажат кој е нултиот пациент од кого почнала да се шири заразата.
Новите пет заболени во МВР, се дијагностицираат по две недели откако позитивен тест за коронавирус имаа седум вработени во Единицата за брзо распоредување, кои престојуваа во Охрид поради работни активности. Тогаш, во изолација беа ставени 39 лица кои имале контакт со нив.
Министерот за здравство, Венко Филипче, вчера посочи дека има и 13 здравствени работници кои се заболени од коронавирусот, од кои 11 се од ГОБ „8 септември“, а двајца од Гинеколошко-акушерската клиника.
Ново на Сител
-
Приведени две лица во Чашка за поткуп при избори
-
Приведени две лица поради основи на сомнение за поткуп при избори во Чашка
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи