-->
-->
Планинарски марш до врвот Огражден
-->
На падините на планината Огражден, група планинари од повеќе градови во Македонија, реализираа планинарски марш до врвот Огражденец. Организатор на маршот беше ПСК „Сосна“, огранок на Планинарскиот-спортски клуб „Голак” од Делчево, кој го потпомогна организирањето на маршот. Претседателот на клубот, Љупчо Чучуковски, информираше дека се работи за прв официјален планинарски марш до врвот Огражденец.
-Во текот на вчерашниот ден го реализиравме првиот планинарски марш за искачување на врв Огражденец кој се наоѓа на 1746 метри надморска висина и е највисок на планината Огражден, воедно и највисок во Општина Берово. Патеката беше долга 9.5 км во еден правец, а започна од село Двориште на 903 метри надморска висина, потоа поминавме покрај месноста Шаренкова Колиба на 1190 метри надморска висина и месноста Сува Воденица, се до врвот Огражденец на на планината Огражден (Општина Берово), информира Чучуковски.
На маршот како што додава, учествувале планинари од Делчево, Берово, Виница и Гевгелија.
-Овие планинари за прв пат имаа можност да пешачат и да се искачуваат по патека која неодамна ја обележавме со соодветна сигнализација. На крај планинарскиот марш го завршивме со заеднички ручек во дворот на црквата Пресвета Богородица во село Двориште, додаде Чучуковски.
Целта на планинарите е маршот да стане традиционален, а понатаму со учество на планинари од соседните земји да добие и Меѓународен карактер.
-->
-->
-->
Ново на Сител
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата
-
Вучиќ со одговор на Стејт департментот: Еве се дружам и пијам со Додик
-
Поведена истрага против осомничен за трговија со дрога и психотропни супстанции во Скопје