Пленковиќ: Шокиран сум од самоубиството на генералот Праљак
Хрватскиот премиер Андреја Пленковиќ денеска изјави дека е шокиран од самоубиството на поранешниот командант на силите на босанските Хрвати, генерал Слободан Праљак, кој испи отров во судницата откако Хашкиот трибунал го осуди на 20 години затвор и подоцна почина во болница.
- Сакам да изразам најдлабоко сочуство до семејството на Слободан Праљак. Неговиот чин, одземањето на сопствениот живот, најдобро зборува за длабоката морална неправда која им беше нанесена на шестмината осудени. Изразуваме жалење за денешната пресуда, изјави Пленковиќ на прес-конференцијата свикана по случувањата во Хаг.
Хрватската претседателка Колинда Грабар Китаровиќ претходно, како што јави МИА, по веста за смртта на Праљак ја прекина посетата на Исланд и се врати во земјата .
Шестмината политички и воени лидери на босанските Хрвати од времето на Војната во БиХ, беа осудени на затворски казни поради злосторства извршени врз Бошњаци.
Пленковиќ изјави дека пресудата нема да ги наруши односите меѓу Загреб и Сараево, нагласувајќи дека не треба да се заборави дека Хрватска и упатила помош на Босна и Херцеговина која била соочена со „српската агресија“.
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ