По две години бегство, уапсен осуденик за недозволена трговија со дрога

Лице барано со централна потерница и во бегство од 2024 година е лишено од слобода рано утринава во скопското село Арачиново, соопшти Министерството за внатрешни работи.

Како што информираат од МВР, денеска околу 5:30 часот, полициски службеници од Секторот за меѓународна полициска соработка, Одделение за потраги, во координација со Интервентната полиција, го лишиле од слобода С.И. (44) од Скопје.

Тој бил баран по централна потерница за издржување затворска казна од пет години за кривичното дело „неовластено производство и пуштање во промет наркотични дроги, психотропни супстанции и прекурсори“, согласно член 215 став 3 од Кривичниот законик.

Според информациите од полицијата, лицето било во бегство од 2024 година.

По приведувањето, С.И. е предаден во Полициската станица од општа надлежност Гази Баба за натамошна постапка.

МИА