Победа на СДСМ во првиот круг во Делчево, Берово и во Пехчево

СДСМ во Делчево синоќа славеше победа на локалните избори во првиот круг во оваа општина, како и во Берово и Пехчево. Во Македонска Каменица градоначалник ќе се избира во втор круг, првиот заврши со предност од 166 гласа за кандидатот за градоначалник од СДСМ.

 

Во Делчево, Горан Трајковски од СДСМ, според првичните неконечни резултати на  ДИК, освои 5100 гласа и победа во прв круг, наспроти кандидатот на ВМРО-ДПМНЕ Иван Соколов, кој доби 4105 гласови. Советничката листа на СДСМ освои 5112 гласа, додека на ВМРО-ДПМНЕ 4095.

 

Во Берово, Ѕвонко Пекевски од СДСМ обезбеди победа во првиот круг со освоени 5006 гласа и предност од 2107 гласа наспроти кандидатот од ВМРО-ДПМНЕ Никола Атанасовски, кој доби 2899 гласови. За советничката листа на СДСМ во Берово гласале 4737 наспроти ВМРО-ДПМНЕ кои добиле 3101 глас.

 

Изненадување синоќа приредија социјалдемократите во Пехчево кои во оваа општина немале градоначалник од осамостојувањето на Македонија. Овде победа во прв круг обезбеди Драги Тренчевски со освоени 1680 гласа наспроти Игор Поповски, кој има 1359 гласа. За советничката листа на СДСМ гласале 1598 гласачи, а за листата на ВМРО-ДПМНЕ 1419.

 

Во Македонска Каменица едниствената жена за градоначалник на Истоков, Соња Стаменковска од СДСМ, обезбеди предност од 166 гласа со освоени 2437 гласа, наспроти Дарко Митевски од ВМРО ДПМНЕ кој има 2271 гласа. Во Македонска Каменица ќе има  втор круг за избор на градоначалник. Советничката листа на СДСМ има 2405 гласа, а на ВМРО-ДПМНЕ 2.276.