Победа во финалето на Мастерсот и број 1 за 2016 за Мареј

Најдобриот светски тенисер Енди Мареј успеа да триумфира во финалето на Мастерсот во Лондон. Тој во последниот меч го победи тенисерот број 2 на светот Новак Ѓоковиќ со 2-0 во сетови (6:3 и 6:4) за 103 минути игра. Со оваа победа против директниот конкурент Мареј го „одбрани“ местото број 1 на АТП листата.

Мареј е 17.тиот тенисер што една календарска година ја завршува како број 1.

Мареј на Мастерсот освои 1.500 поени и 2.391.000 долари, додека Ѓоковиќ како финалист освои 1.000 поени и 1.261.000 долари.