Почина легендата на јужњачкиот рок Грег Алман

Познатиот рок музичар Грег Алман почина денеска на 69-годишна возраст во својот дом во градот Савана, во американската држава Џорџија, соопшти неговиот публицист.

Лидерот на бендот „Алман Брадерс“ и пионер на јужњачкиот рок, роден во Нешвил, беше автор на многу хитови, како што се  „Midnight Rider“, „Whipping Post“,  „Ramblin’ Man“' , јавија американските медиуми.

Алман ги откажа минатогодишните турнеи, а во август соопшти дека се наоѓа под надзор на лекари заради  „сериозни здравствени проблеми“.