Почина султанот на Оман, негов наследник е министерот за култура
Султанот на Оман, Кабус бин Саид, еден од најдолговечните лидери на Блискиот Исток, почина на 80 годишна возраст.
Воениот совет на Оман побара од владејачкото семејство да именува наследник, имајќи предвид дека султанот нема деца.
Омански официјални претставници соопштија дека министерот за култура Хетам бин Тарик ал Саид е именуван за нов лидер на таа арапска земја.
Државната телевизија објави дека властите го отвориле запечатеното писмо на султанот Кабус, во кое го именувал својот наследник, без да наведе детали.
Ал Саид, кој ја извршуваше функцијата министер за национално наследство и култура, често извршувал важна дипломатска улога, претставувајќи го Оман во странство и пречекувајќи странски претставници во својата земја.
Поради смртта на султанот Кабус, во Оман е прогласена тридневна жалост, а знамињата ќе бидат спуштени на половина копје 40 дена. Кабус, кој беше поддржуван од Западот, дошол на власт по државниот преврат во 1970 година со помош на Велика Британија. Бил меѓународно познат по своето дипломатско балансирање во нестабилниот Персиски Залив, а честопати служел и како медијатор меѓу Иран и САД.
Ново на Сител
-
Дубаи потпиша договор за брза транспортна мрежа со компанијата на Илон Маск
-
Руски дрон удри во нуклеарката во Чернобил | ВИДЕО
-
МЗШВ: Во чест на денешниот празник Свети Трифун, исплатени се 315.745.324 денари кон 11.689 лозари
-
Странски туристички агенти влегоа во Северна Кореја првпат по затворањето на границата во 2020 година
-
Таравари: Со пакет мерки да ги решиме грбот, химната и другите заостанати прашања
-
Дибала повторно се повреди
-
Манчестер Сити губи клучен играч до крајот на сезоната
-
Раниери лут по мечот со Порто: Судијата едвај чекаше нешто да се случи, за да му ја подари победата на противникот