Почина тркачкиот директор на Формула 1, Чарли Вајтинг
Ден пред почетокот на викендот за Гран При на Австралија, Формула 1 беше потресена од смртта на тркачкиот директор, Чарли Вајтинг.
Во четвртокот наутро по локално време, тој добил белодробна емболија и починал ненадејно. Случката е вистински шок за тимовите и пилотите.
– Со огромна тага дознав за смртта на Чарли. Тој беше една од најзначајните фигури во Формула 1 и ја носеше во себе етиката и духот на овој фантастичен спорт. Загубивме пријател и човек кој беше вистински амбасадор на спортот, рече претседателот на ФИА, Жан Тод.
Шеесет и шест-годишниот Вајтинг беше една од најпочитуваните и најхаризматични фигури во Формула 1. Тој ја започна својата кариера уште во 1977-та, откако прво работи во Хескет, а потоа преминува во Брабам и како главен инженер помага за 2 титули на Нелсон Пике.
Во 1988-та станува дел од раководството на Формула 1, а од 1997-та е тркачки директор.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање