Почна доставувањето решенија за данок на имот и за фирмарина за 2021 година

Градските власти информираат дека во тек е доставувањето решенија за данок на имот и комунална такса – фирмарина за тековната 2021 година.

-Сите даночни и таксени обврзници кои немаат платено данок на имот и комунална такса – фирмарина за изминатата 2020 година ќе добијат опомена за неплатен долг, стои во соопштението од Град Скопје.

Даночните и таксените обврзници кои нема да добијат решенија за данок на имот и комунална такса–фирмарина или доколку забележат одредени неправилности, можат да се јават на службените телефонски броеви на Град Скопје секој работен ден од 9 до 16 часот. За данок на имот: 072/916-482, 072/204-434 и 02 3297-316. За комунална такса-фирмарина: 072/255-849 и 070/248-614.

Граѓаните по добивањето на решенијата можат сите забелешки и неправилности да ги пријават на сајтот на Град Скопје е-даноци (https://danoci.skopje.gov.mk/gskopje/root/public/login.xhtml), преку одделот за пријавување на проблеми (http://gragjani.skopje.gov.mk/korisnik/), како и преку електронска пошта на следните адреси: За данок на имот: danoci@skopje.gov.mk, Anita.Nakov@skopje.gov.mk, anitan@skopje.gov.mk и за комунална такса – фирмарина: danoci@skopje.gov.mk и Katerina.Gichev@skopje.gov.mk