Почна обуката на осмата генерација кандидати за пилоти во АРМ
Осмата генерација на кандидати за пилоти за потребите на Армијата на Република Македонија денеска свечено ја почнаа обуката во Центарот за обука на пилоти во касарната „Страшо Пинџур“ во Петровец.
- Од 80 пријавени на Конкурсот, шестмина ја завршија ригорозната селекција и имаат можност да бидат образовани во еден од најсовремените центри во Европа, рече министерот за одбрана Зоран Јолевски и додаде дека од самите почетоци до денес, Центарот покажа одлични резултати.
Тој нагласи дека годинава се отвора и нова можност за младите луѓе кои имаат завршено средно образование да се пријават на Конкурсот на питомци на Воената академија, каде ќе поминат четири години на катедрата за воено воздухопловство – насока пилот, од кои три семестри ќе поминат во Центарот за обука на пилоти. Тој ги повика сите кои ги исполнуваат условите да се пријават на отворениот Конкурс на Центарот, кој завршува во септември, по што ќе се изберат шест до осум кадети – идни пилоти.
Во оваа класа, обуката за воен пилот ја почнаа шест кандидати кои поминаа низ ригорозен процес на тестирање кое вклучува психолошки тестови, физички и медицински проверки, како и селекција на земја од две недели и селекција во воздух со налет од 10 часа.
Обуката на кадетите е во времетраење од 18 месеци, а се состои од теоретска подготовка, практична обука и летови на високотехнолошките симулатори на хеликоптерите Ми-8/17 и Ми-24.
Ново на Сител
-
Новиот државен секретар Рубио потврди дека САД ќе работат на ставање крај на војната во Украина
-
Раст на фјучерсите на американските берзи по новите укази на Трамп
-
Ѓоковиќ ќе го предадеше мечот со Алкараз доколку го загубеше вториот сет
-
Мицкоски во Вашингтон присуствувал на на свеченоста „Гласови на слободата“ и остварил бројни средби
-
Украина работи на одржување средба меѓу Зеленски и Трамп
-
Лазаров за ремито со Австрија: Горд сум на моите ракометари
-
Капитенот Кузмановски донесе реми во последните секунди на натпреварот Македонија-Австрија
-
Собранието го донесе Законот за заштита на децата, прифатени само два амандмани