Полицијата и гимназијалците во Делчево дебатираа за нелегалните дроги
Појавата на „Нелегални дроги“ меѓу помладата популација беше главната тема на работилницата, која Одделението за внатрешни работи Делчево ја одржа со делчевските гимназијалци. Како што информираа органзизаторите, обуката имаше превентивен и едукативен карактер, се со цел учениците од училиштето, како и нивните родители да бидат запознаени со најчестите причини и опасности од користење и употреба на дрога.
– Преку презентацијата, на присутните ученици и родители им беше укажано за штетните последици (здравствени, психолошки, семејни, социјални, училишни и финансиски) кои настануваат при употребата на дрогата, законските одредби на Кривичниот законик на Р.Македонија и санкции за лицата кои ги чинат овие кривични дела, истакнаа од ОВР Делчево.
Имајќи предвид дека зависноста од дрога во последните десетина години е cè поприсутна меѓу школската популација и младината, преку ваквиот вид активности, како што истакнаа од гимназијата „М.М.Брицо“, училиштето активно се обидува да ce вклучи во спречување и во сузбивање на оваа појава на разни начини.
– Во таа насока многу е важна превентивната улога на полицијата преку проактивен пристап: соработката со заедницата, да се зголеми превенцијата околу злоупотребата на дрогите и личната заштита на најмладата популација. Меѓу другото, цел на ваквите обуки е младата популација (учениците од училиштето), како и нивните родители да бидат запознаени со најчестите причини и опасности од користење и употреба на дрога, посочија од СОУ „М.М.Брицо“.
Како еден од главните заклучоци од работилницата произлезе фактот дека во училиштата не се зборува доволно за дрогите и нивните последици, поради што беше напоменато дека се неопходни повеќе програми и кампањи за да можат учениците да се запознаат повеќе со дрогите и нивните последици.
Ново на Сител
-
Се враќа оградата пред владината зграда во Скопје
-
Пожар на ридот меѓу Горно Коњари и Миладиновци
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови