Полицијата во Полошко лани фатила 2500 возачи кои управувале моторно возило без возачка дозвола
Соодветно казнети вкупно 121 возач од Полошко кои полицијата во јануари ги открила дека управувале без положен возачки испит, информираа од СВР-Тетово. Според полициската статистика, во Тетовско имало 81 случај додека на гостиварското подрачје биле откриени 40 возачи без положен возачки испит кои управувале возило.
За сите нив биле изготвени платни налози согласно Законот за безбедност на сообраќајот на патиштата што предвидува парична глоба за овој прекршок од 300 евра во денарска противвредност, а истата глоба е предвидена и за сопственикот на возилото кој му го отстапил на управување на лице без возачка дозвола. На правните лица им се изготвува и барање за поведување судска прекршочна постапка.
Според податоците во СВР Тетово, во текот на 2018-та година вкупниот број на откриени возачи без дозвола во Тетово и Тетовско изнесувал 1367, а на гостиварските простори 1134.
Оттаму најавија дека и во наредниот период ќе продолжат засилените контроли за откривање и санкционирање на возачи во полошкиот регион кои седнуваат зад волан без положен возачки испит.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка