„Вашингтон и Брисел се сè уште прилично воздржани“ и покрај обидите на Подгорица да го вклучи НАТО во спорот околу законот за слобода на вероисповеста, кој предизвика големи протести на граѓаните на Црна Гора, пишува „Политика“.

Весникот оценува дека Подгорица не успеала да ги увери сојузниците на НАТО дека нема ништо спорно во тој закон и дека, како што рече црногорскиот министер за одбрана Предраг Бошковиќ, е изложена на хибридна војна што ја води Србија.

„Политика“ пишува дека обидите на Подгорица да изнудат поголем ангажман на НАТО, како нејзина членка, се одбиени со образложение дека „Алијансата нема да реагира по повод религиозни прашања“.