-->
-->
Половичен исход на младите македонски кошаркари во дуелите со Бугарија
-->
Младата кошаркарска репрезентација на Македонија за играчи до 20 години, оствари половичен резултат во двата дуели против соодветната селекција на Бугарија, одиграни вчера и денеска во СЦ „Кале’’ во Скопје.
Откако македонските јуниори, вчера го добија првиот дуел со 69-53, попладнево избраниците на селекторот Малинков беа поразени во резултатски неизвесен натпревар со 67-70.
На денешната средба, најефикасни во редовите на црвено-жолтите со по 13 постигна поени беа капитенот Магдевски и Шалев, додека Ефремовски постигна 10 поени, а Петровски 8.
Веќе во понеделник тие ќе отпатуваат за Истанбул каде од 5 до 9 јули ќе настапат на силниот турнир на кој покрај домашната селекција на Турција, ќе играат и репрезентациите на: Србија, Литванија, Германија и Франција.
Јуниорите се подготвуваат за настап на ЕП во Б дивизијата кое ќе се игра во Хакида, Грција од 15 до 24 јули.
Македонија е во групата А, каде за конкуренти ќе ги има селекциите на Португалија, Црна Гора, Ерменија и Грузија, против кои ќе се бори за едно од првите две места кои носат пласман во осминафиналето.
-->
-->
-->
Ново на Сител
-
Поплавени куќи, свлечишта, над 200 пријави за штети во Тетовско
-
22735 членови ќе гласаат за нов претседател на СДСМ
-
Истрага за смртта на бебето од Прилеп
-
Македонија со Влада, Мицкоски ја презеде премиерската функција
-
Муцунски во Луксембург: Европска агенда ослободена од билатерални прашања
-
Таравари најави дека до петок ќе каже како ќе се решава проблемот со хируршките сали
-
Невреме во Тетовско
-
Вчерашното невреме зад себе остави пустош низ Скопје