Попова: Доколку ја примате руската вакцина – два месеца без алкохол
Оние кои ќе ја примат руската вакцина „Спутник V“ против коронавирусот ќе мораат да се воздржат од алкохол два месеци, изјави шефицата на руската Служба за заштита и надзор на потрошувачите „Роспотребнадзор“, Ана Попова.
-Консумирањето алкохол мора да престане најмалку две недели пред имунизацијата, а оние кои ќе ја примат првата доза мораат да се воздржат од алкохол во наредните 42 дена, рече Попова за Радио Космолскаја правда.
Попова, исто така, ги советува граѓаните да не пушат пред и по вакцинацијата, предупредувајќи дека чадот од тутунот ги иритира белите дробови и го намалува имунолошкиот одговор.
Како што пренесува „Москва тајмс“, по предупредувањето на Попова, шефот на државниот истражувачки центар „Гамалеја“, што ја разви вакцината „Спутник V“, Александар Гинсберг, рече дека и покрај тоа што не треба да се пие алкохол пред и по вакцинирањето, „една чаша шампањ никогаш никому не му наштетила“.
Кампањата за вакцинација на Русија почна викендов во Москва, а досега се проценува дека околу 100.000 Руси ја примиле „Спутник V“, вклучувајќи ги учесниците во истражувањето и припадниците на војската.
Ново на Сител
-
Магистралниот пат Охрид - Ресен затворен за сообраќај поради незгода
-
Утре температура до 39 степени, следните денови уште потопло
-
Се враќа оградата пред владината зграда во Скопје
-
Пожар на ридот меѓу Горно Коњари и Миладиновци
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми